اسرع شجرة تنمو فى العالم الباولونيا
اسرع شجرة تنمو فى العالم الباولونيا أو شجرة الاميره هو اسم من أسماء شجرة الباولونيا , التي سميت باسم الباولونيا على شرف اميرة روسيا ( أنا باولونيا ) بنت قيصر روسيا بول الأول (1795-1865) لما لها من أهمية قصوى حيث , تصل سرعة نمو شجرة الباولونيا الى 1 متر شهريا في فصل الصيف من اول موسم نمو .
تربية شجرة الباولونيا من اجل الحصول على الاخشاب
في حين زراعة الباولونيا بغرض الزينة نقوم بقطعها من على سطح التربه بعد اول صيف للحصول على ساق مستقيم و قوى .
المرحلة الأولى : ( تربية الجذر )
في هذه المرحله نهدف الى الحصول على اكبر مجموع جذرى ممكن ليساعد الشجرة في المرحلة التالية
و تكون هذه المرحلة في اول صيف يتم فيه زراعة الشتلات.
" فى اول صيف الشجرة بتطول من 2 الى 3 متر "
المرحلة الثانية : مرحلة الاستطاله ( تربية الساق )
في هذه المرحلة نهدف الى الحصول على اقصي طول ممكن للشجرة
و يتم هذا عن طريق :
- قطع الشجرة من على سطح التربة
- مراعاة تقليم الشجرة ( بإزالة البراعم و ترك الأوراق )
بعد مرور اول شتاء على الأشجار نقوم بقطعها مع على سطح التربة لتنمو مجددا , و هنا ياتى دورنا الهام لمساعدة الأشجار للوصول الى اقصي طول ممكن و الذى يجب ان يصل الى اكثر من 4 متر للحصول على الواح خشب standard.
" فى ثانى صيف الشجرة بتطول من 4 الى 6 متر " على حسب نوع التربة و المياه .
المرحلة الثالثة : مرحلة تربية الخشب
في هذه المرحلة نقوم بمساعدة الشجرة على الحصول على ساق قوى و خشب ذو كثافة عالية عن طريق التسميد المستمر .
"من ثالث صيف الشجرة بتطول حوالى متر او اثنين فقط و تبتدى تدى تخانه فى الساق "
" يعنى احنا بنزرع الشتلات في فصل الصيف بتيجى اخر الصيف بتكون وصلت حوالى 2 او 3 متر
يعدى الصيف ده و الشتاء ,
و نيجي في الأيام الأولى من تاني صيف بنقطع الأشجار من على وش الأرض و تبتدى تنمو من جديد بس المره دى بتاخد الصيف من اوله ,اللى هو حوالى 6 شهور ( مارس , ابريل , مايو , يونيه , يوليه , أغسطس , و في مناطق حاره بتطول اكتر من كده ) بتنمو فيهم من 4 الى 6 متر على حسب نوع التربة و المكان و المياه و العوامل الأخرى ,
من تالت صيف يبتدى ساق الشجرة يتخن و مابتطولش غير متر او 2 بالكتير كل سنة "
تربية شجرة الباولونيا للزينة
في حين زراعة الباولونيا بغرض الزينة لا نقوم بقطعها من على سطح التربه بعد اول صيف .
" بنسيبها تطول مع نفسها لان ساعتها مش بيهمنا طول الساق الأساسي و لا استقامته , و ساعتها الازهار بتظهر من اول سنه ( لأننا مابنقطعهاش ) و الافرع بتبقي اكتر فا العناقيد الزهرية بتبقي اكتر "
لن اجد تكلفة الفدان الواخد ومقر الشركه للتعاقد
لمعرفة تكلفة زراعة الباولونيا ( اضغط هنا )
عاوز شتله السعر كام
شتلات الباولونيا ( اضغط هنا )
رجاء توضيح جملة “القطع بعد اول موسم ” هل هى للشجرة كلها ام للساق الزيادة ؟
وبعد اتمام دورة 6 سنوات و يتم القطع … تكمل نفس الساق النمو لمدة 5 سنوات لدورة جديدة … فما عدد الدورات ذات ال 5 سنوات ؟؟
هل يمكن تحميل زراعات اخرى عليها طوال فترة ال 6 او ال5 سنوات اذا استخدمت المسافات 2×2 ??
هل تم تجربة زراعتها فى الساحل مابين بورسعيد و الاسكندرية ؟؟؟
القطع للشجرة كلها زى ما هو موضح بالصور
نعم تنمو من سطح الارض ( الساق ) مرة اخرى – عمر الشجرة 100 سنة
اذا استخدمت 2 X ـ2 مش هاتحمل عليها غير بالكتير اول 3 سنوات فقط
صنف الجمعية المصرية بيزرع فى درجة حراره ما بين ( 50 ~ -10 ) مناخ مصر و الدول العربية